Hitt Húsið var opnað árið 1991 eftir að hugmyndin að tómstundaaðstöðu fyrir ungt fólk á aldrinum 16-25 ára hafði legið á borðum Íþrótta- og tómstundaráðs Reykjavíkur um nokkurt skeið.

 

Í fyrstu var Hitt Húsið staðsett í gamla skemmtistaðnum Þórskaffi í Brautarholti og var að mestu leyti rekið sem dansstaður fyrir ungt fólk. Fljótlega kom þó í ljós að ungt fólk vildi aðstöðu fyrir innihaldsríkari og uppbyggilegri starfsemi á sviði lista, menningar og fræðslu. Frá þeim tíma hefur Hitt Húsið smám saman tekið á sig þá mynd að vera menningar- og upplýsingarmiðstöð þar sem ungu fólki er veitt ýmis aðstoð og ráðgjöf, t.d. ráðgjöf til að koma hugmyndum sínum til framkvæmdar.

Markmið Hins Hússins eru:

• Að veita ungu fólki aðstöðu og aðstoð við að koma hugmyndum sínum í framkvæmd.
• Að endurspegla menningu ungs fólks.
• Að veita upplýsingar og leiðbeina ungu fólki, í samstarfi við aðra fagaðila og samtök.
• Að vera miðstöð ungs fólks í leit að sumarstarfi.
• Að vera vettvangur fyrir félagsleg úrræði og ráðgjöf fyrir ungt fólk.

Almennur opnunartími Hins Hússins (ekki talin með dagskrá ýmissa hópa s.s. Sérsveitarinnar)

Mánudagur		09:00 - 17:00
Þriðjudagur		09:00 - 22:00
Miðvikudagur		09:00 - 17:00
Fimmtudagur		09:00 - 17:00
Föstudagur		09:00 - 17:00
Laugardagur
Sunnudagur

 

Hitt Húsið
Pósthússtræti 3-5, 101 Reykjavík
s: 411 5500

fax: 411 5501