Músíktilraunir
Markmið:
- Að veita ungum íslenskum hljómsveitum og tónlistarfólki tækifæri á að koma tónlist sinni á framfæri.
- Að skapa vettvang fyrir unnendur tónlistar til að geta fylgst með ungum og efnilegum hljómsveitum og tónlistarfólki.
- Að stuðla að því að fjölmiðlar skapi umræðu og kynningu í samfélaginu á ungu og upprennandi tónlistarfólki.
-Þar sem að ÍTR hefur staðið fyrir Músíktilraununum frá upphafi var sú nýlunda árið 2009 að Frístundamiðstöðvar í Reykjavík hafa heimild til að senda 1. fulltrúa hver frá sér í keppnina. Er það til að virkja og hvetja ungt fólk í hverfum Reykjavíkur til tónlistariðkunar og þátttöku í Músíktilraununum. Frístundamiðstöðvarnar halda undankeppni til að velja sinn fulltrúa. Þetta útilokar þó ekki þátttöku annarra hljómsveita/tónlistarmanna úr hverfum Reykjavíkur til að sækja um á Músiktilraununum.
Reglur:
1. Hljómsveit þarf að skila af sér:
- Útfylltu skráningarblaði
- Geisladisk/MP3/tölvutæku formi með 2 frumsömdum lögum.
- Mynd af hljómsveit - á tölvutæku formi. Merkja vel öll nöfn í réttri röð.
- Texta um hljómsveit
- 6.000 kr. Þátttökugjald 2009.(endurskoðað á hverju ári)
Skráningarblað, upptökur, mynd og þátttökugjald verður að hafa borist Músiktilraununum fyrir 13. mars. Allt þetta er hægt að gera gegnum rafræna skráningarblaðið á vef tilraunanna, www.musiktilraunir.is
2. Á hverju undankvöldi skal hljómsveit flytja 2 frumsamin lög. Heildartími þeirra skal ekki vera meiri en 10 mínútur.
3. Á úrslitakvöldi flytur hver hljómsveit 3 frumsamin lög. Heildartími þeirra skal ekki vera meiri en 12 -15 mínútur.
4. Hljómsveit má ekki hafa gefið út efni sitt á geisladisk, plötu eða hljóðsnældu.
- Talað er um útgáfu þegar efni er selt og markaðsett skipulega fyrir almenning.
- Ekki er um útgáfu að ræða þegar efni er eingöngu notað sem gjafir, þrátt fyrir að það sé á geisladisk, plötu eða hljóðsnældu eða eftir hljómsveit hefur eingöngu komið út á safnplötu.
-Sökum þess hversu auðvelt er að útbúa og dreifa tónlist í gegnum netið telst það ekki til útgáfu og er því leyfilegt.
5. Framkvæmdarnefnd Músíktilrauna áskilur sér þann rétt að hafna hljómsveitum þátttöku ef:
- Sýnishorn það sem berst á MP3/tölvutæku formi, stenst ekki tónlistarlegar lágmarkskröfur sem gerðar eru til keppninnar.
- Þátttökugjald hefur ekki verið greitt fyrir tilskilinn tíma.
- Af öðrum ástæðum.
6. Ef eitthvað kemur upp á, t.d. ef að hljómsveit ætlar að hætta við, þá verður að tilkynna starfsmönnum Hins Hússins það strax.
7.ATH! notkun áfengis og annarra vímugjafa er stranglega bönnuð og verði þáttakendur og gestir uppvísir um notkun þeirra er þeim tafarlaust vísað frá.
Upplýsingar í HINU HÚSINU: símum 411-5527 eða menning@hitthusid.is og musiktilraunir@hitthusid.is
Heimasíður:
www.musiktilraunir.is
og
www.hitthusid.is